Composiziun y dorada dl'inciaria

Le Consëi provinzial é formè da 35 aconsiadësses y aconsiadus. Do la lege é la dorada dl'inćiaria dl Consëi  de cinch agn. Le Statut de autonomia regolëia i caji olache le Consëi po tomè dan tëmp. Inćina śëgn tla storia dl Consëi regional y dl Consëi provinzial n'é val' de te ćiamò mai gnü dant.

Sentades dl Consëi provinzial

• I resultac dl’ultima senteda dl Cunsëi provinziel
• Ordinn dl dé

Funziun legislativa

La funziun prinzipala che le Statut d'autonomia assegnëia al Consëi, avisa sciöche la Costituziun assegnëia al Parlamënt, é l'eserzize dla funziun legislativa: al Consëi ti speta la competënza d'aprovè cun na prozedöra stabilida avisa leges provinziales che regolëia les chestiuns desvalies de competënza dla Provinzia. Dlungia chësta funziun che po gnì definida tlassica y tipica de n parlamënt, à le Consëi na ligna de d'atres funziuns avisa tan importantes, che vëgn spligades chilò dessot.

Funziun de creaziun

N'atra funziun che ti speta al Consëi provinzial, deache al é le su organn dla Provinzia autonoma de Balsan lité diretamënter dal popul, è la lîta, la formziun, la creaziun (porchël baion de funziun de creaziun) di atri dui organns dla Provinzia odüs danfora dal Statut: la presidënta o le presidënt dla Provinzia y la Junta provinziala

Funziun de control

Le Consëi provinzial á inće la funziun de controlé l'ativité dl organn esecutif, chël ô dì dla Junta provinziala. La funziun de control vëgn eserzitada da döt le Consëi y dales singules aconsiadësses y dai singui aconsiadus tres stromënć preodüs dal regolamënt intern dl Consëi.

Funziun de cooperaziun

Inće sce - aladô dl prinzip dla separaziun di podëis - le Consëi provinzial y la Junta provinziala á funziuns en ligna de prinzip desvalies, po le Consëi influenzè l'ativité dla Junta, y ti dè indicaziuns politiches, ...

Atres funziuns

• Nominaziun y designaziun
• Tutes de posiziun
• Contestaziuns dan la Curt costituzionala
• Lege-aodanzes y dessëgns de lege-aodanzes ortiades al Parlamënt
• Iniziatives por modificaziuns dl Statut d'autonomia

Descuscion y dezijion tl Cunsëi provinziel

Dan vigni deliberaziun vëgnel de regola fat na debata, te chëra che i singui aconsiadus por portè dant sü punć de odüda en cunt dla chestiun da tratè, se dè jö cun les minunghes di atri aconsiadus y laurè tl vers de na dezijiun sostignida da poscibilmënter tröc. La debata é porchël la pert zentrala dl parlamentarism.