Contignü prinzipal
Cunselieres
N basa ai resultac dla veles dl Cunsëi provinziel ruva 35 ëiles y ëi per 5 ani tl Cunsëi provinziel, per lauré iló per l bën de duta la populazion dla Provinzia. I/la cunselieres reprejentea partic defrënc y pertes defrëntes dla populazion y à mestieres defrënc,...
Sce ulëis nen savëi deplù tlichëde sun i links aldò!
Biografies
Cialëdeti ala biographies di/dla cunselieres, lijëde chi che i/les ie, a cie maniera che i/les ie ruvei ruvedes tla politica, coche ie stata si streda politica y coche n possa tò su cuntat cun ëi. Pudëis cherdé ju si biografies da A - Z o aldò dla frazions.
Dërc y duvieres
Cun si cherdeda tl Cunsëi provinziel giapa i cunselieres dala populazion litënta na ncëria per n tëmp limità. A chësta ncëria iel lià dërc, ma nce duvieres.
Partizion dla lueges da senté
Te truep parlamënc dl mond iel dat dant coche la lueges da senté ie partides su y aldò dla ududes ideologiches de si partic sta i reprejentanc/la reprejentantes sentei/sentedes a man drëta o a man ciencia o tamez dal pont de ududa dl Presidënt/dla Presidënta.
Tl Cunsëi provinziel de Südtirol ne iel nia chësta tradizion. Tlo se chir i/la cunselieres ora te na maniera liedia la luegia da senté tla prima senteda costituenta.
Frazions
Tl Cunsëi provinziel forma i/la 35 cunselieres frazions. La frazions dl Cunsëi provinziel ie de regula grupes furmedes da cunselieres cun plu o manco la medema minonghes politiches. Perchël forma i/la cunselieres de n partit o de na lista litela normalmënter na frazion. Ma l ie nce puscibl che mandateres de doi o de plu partic cun minonghes politiches semientes se lieia adum te na frazion.