Contignü prinzipal

Vijites y ancuntedes

Porvia dles desposiziuns cuntra le Covid atuales pón por le momënt ma jí a vijité le Consëi dla Provinzia autonoma de Balsan cun na zertificaziun vërda varënta.

Ester lapró pro na sentada dl Consëi provinzial, gní alsavëi sciöche nosc parlamënt provinzial funzionëia, baié cun n'aconsidëssa o n aconsiadú o porvé fora personalmënter sciöche al foss da rapresenté la popolaziun y fá na discusciun sön de na moziun: insciö podëise odëi da daimpró sciöche al vëgn lauré tl Consëi provinzial y dé na odlada iadô les culisses.

Vijita tl Cunsëi provinziel

"Iadô les culisses" – Vijita canche le Consëi provinzial n'á nia sentada

Na vijita tres le Consëi dla Provinzia autonoma de Balsan dëida ciafé n'idea de ci funziun che le parlamënt provinzial á y dá la poscibilité da baié personalmënter cun n'aconsiadëssa o n aconsiadú.


"Vijita virtuala" - Videochat cun n'aconsiadëssa o n aconsiadú

Te na teleconferënza ves condüj n'aconsiadëssa o n aconsiadú live tres le Consëi dla Provinzia autonoma de Balsan, ves cunta de so laur y respogn a dötes ostes domandes.


"Fá para na sentada" - Vijita tratan na sentada dl Consëi provinzial

La vijita de na sentada dl Consëi provinzial pita l'ocajiun da podëi odëi da daimpró de ci che ara nen vá tla vita da vigni de politica y tl discurs democratich.


"Sön le parchet politich" - Porvé fora le rode da aconsiadú

N jüch de rodi dá la poscibilité da fá personalmënter na discusciun sön na moziun y imparé sciöche an fej da formulé de bogn argomënc, da dí süa minunga cun segurëza y fá na discusciun democratica.


"Roda virtuala" - Esploré le Consëi provinzial

La roda virtuala pita la poscibilité da esploré le Consëi dla Provinzia autonoma de Balsan, da dé na odlada tl salf plenar y te tröc d'atri locai y da s'informé pro i posć d'informaziun desvalis sön döt ci che an dess savëi dl Consëi provinzial.


"Sön les pedies dl'autonomia dl Südtirol" - Jí tres le percurs dl'autonomia

Da jí a ti ciaré ala mostra multimediala sön Plaza Silvius Magnago se mët les scolares y i scolars adöm te de pici grups y realisëia n videoreportaje cört a chël che al ti vëgn ciaré dedô cun n'aconsiadëssa o n aconsiadú.


La politica a scola

Mpede la vijita te Cunsëi provinziel, o nce leprò, possen se damandé che na cunseliera o n cunselier vënie te scola.
La tlasses che l uel, possa fé dumanda ndrët ala frazion dl Cunsëi provinziel crissa ora che manderà na si cumëmbra o n si cumëmber. Aldò di termins da una y dal’autra pert uniral fat ora na data ndrët cun la scola y te scola.


Cuntac

Cunsëi provinziel de Südtirol
Ufize zeremonies, comunicazion y relazions cun la jënt
Plaza Silvius Magnago 6
39100 Bulsan
tel.: 0039 0471 946 272
E-Mail: oeffentlichkeitsarbeit@landtag-bz.org

Download - Cumpëida dla vijites tl Cunsëi provinziel

  1. tl 2020 - (verjiun todëscia/taliana) [PDF 380 KB]
  2. tl 2019 - (verjiun todëscia/taliana) [PDF 1,2 MB]
  3. tl 2018 - (verjiun todëscia) [PDF 1,5 MB]
  4. tl 2017 - (verjiun todëscia) [PDF 1,5 MB]
  5. tl 2016 - (verjiun todëscia) [PDF 1 MB]
  6. tl 2015 - (verjiun todëscia) [PDF 120 KB]
  7. tl 2014 - (verjiun todëscia) [PDF 120 KB]
  1. tl 2013 - (verjiun todëscia) [PDF 120 KB]
  1. tl 2012 - (verjiun todëscia) [PDF 120 KB]
  2. tl 2011 - (verjiun todëscia) [PDF 190 KB]
  1. tl 2010 - (verjiun todëscia) [PDF 190 KB]
  1. tl 2009  - (verjiun todëscia) [PDF 35 KB]
  1. tl 2008  - (verjiun todëscia) [PDF 85 KB]
  1. tl 2007 - (verjiun todëscia)  [PDF 94 KB]

Download - Calënder dla sentedes

  1. Calënder dles sentades 2022 (Cunsëi provinziel y regiunel) (verjiun todëscia/taliana) [PDF 200 KB]
  2. Calënder dles sentades 2021 (Cunsëi provinziel y regiunel) (verjiun todëscia/taliana) [PDF 250 KB]