Contignü prinzipal

"Sön les pedies dl'autonomia dl Südtirol" - Jí tres le percurs dl'autonomia

Pro chësta vijita nen vára dl'autonomia dl Südtirol: les scolares y i scolars vá a ti ciaré ala mostra multimediala sön Plaza Silvius Magnago y realisëia te de pici grups n contribut jornalistich tla forma de n videoreportaje cört. Dedô ái la poscibilité da fá na discusciun sön l'autonomia dl Südtirol cun n'aconsiadëssa o n aconsiadú y mostré sü videoreportaji.

Le percurs dl'autonomia sön Plaza Silvius Magnago ilustrëia amplamënter, te nü staziuns y tres n’istalaziun tl parch dlungia, l’autonomia dl Südtirol. Al mostra sciöche l’autonomia dl Südtirol é gnüda a s’al dé, ciügn che é sü contignüs zentrai y ci valurs che é liá impara. Che ê pa Silvius Magnago y Alcide Berloffa y co influenzëia pa l’autonomia dl Südtirol la jënt che vir chiló da nos? Co regolëia pa l’autonomia la convivënza di grups linguistics y sön ci fondamënta finanziara se basëiera pa? Al vëgn ince vaghé da dé na odlada sura i confins provinziai fora y tl dagní: olá dess pa nes condüje nosta autonomia?

Obietif d'aprendimënt

Imparé da conësce le svilup y les noziuns de basa dl'autonomia dl Südtirol y se fá na minunga lassura.

Dorada

90 menüc

Grup de destinaziun

Biennium y triennium

Materiai

  • N smartphone (al nen basta un pro vigni pice grup)
  • Na storyboard por la visualisaziun dl proiet y n bloch cun n biro por se fá anotaziuns vëgn metüs a desposiziun.

Program

  1. Salüt y bëgnodü
  2. Vijita ala mostra sön Plaza Silvius Magnago y elaboraziun dl video
  3. Presentaziun di resultac y conversaziun cun n'aconsiadëssa o n aconsiadú.
  4. Conclujiun

Formuler per apusté danora

Dac anagrafics

* nfurmazions de ublianza

690053010

NFURMAZIONS SUN L TRATAMËNT DI DAC PERSUNEI

Aldò dl art. 13 dl Regulamënt (UE) 2016/679 per la prutezion dla persones fisiches n cont dl tratamënt di dac persunei


Respunsabl dl tratamënt ie l Cunsëi dla Provinzia autonoma de Bulsan, cun sënta sun plaza S. Magnago n. 6, e-mail privacy@consiglio-bz.org

Nciarieda dla Prutezione di Dac Persunei (Data Protection Officer – DPO) ie Gruppo Inquiria S.r.l., da cuntaté al’adres e-mail andrea.avanzo@com-co.it; numer de telefon: 0471/085095.


Fin dl tratamënt: I dac persunei dai ju dala scola vën tratei aldò di prinzips dla legalità, curetëza y trasparënza y unirà adurvei per la gestion dla vijites de tlasses de scola o de grupes de jëuni che vën a ti cialé ala sënta dl Cunsëi provinziel, a usservé dala tribuna di scutadëures la descuscions politiches y i/la cunselieres pra si lëur. Ntan chësta vijites pudëssel unì fat vel’ fotografia ai mutons/ala mutans per fins istituzionei liei ala scumenciadives y ativiteies dl Cunsëi dla Provinzia autonoma de Bulsan: la fotografies y la registrazions video unirà tratedes aldò dla despusizions dla normativa n forza (Regulamënt UE 2016/679 tl ciamp dl tratamënt di dac persunei y lege di 22 d’auril 1941, n. 633 sun la prutezion dl dërt d’autor). 
Ajache l ne ie nia mesun, pervia dla mancianza dl cuntat diret cun i mutons y la mutans  y/o cun si families, de tò ite singulermënter l cunsëns, ti cumetons ala scola de comuniché la nfurmazions tlo dessëura ai sogec y/o ala families nteressedes y de l nes fé al savëi tan tosc che la va, sce l fossa sculeies/sculées che ne uel o ne possa nia se lascé fotografé o filmé. Sce giapessan na tel nfurmazion da pert dla scola ne unirà la fotografies y la registrazions video de chëi mutons /de chëla mutans assolutamënter nia adurvedes.


Fundamënta giuridica dl tratamënt: La fundamënta giuridica dl tratamënt di dac persunei dac ju tl formuler dessëura – aldò dl art. 6, dl Regulamënt UE 2016/679 – ie data dal bujën de realisé la dumanda da pert dla scola dla vijites de tlasses o grupes de jëuni y jëunes al Cunsëi dla Provinzia autonoma de Bulsan. Per cie che reverda la fotografies  y/o i video che pudëssa mustré i jëuni y la jëunes che tol pert ala scumenciadives urganisedes dal Cunsëi dla Provinzia autonoma de Bulsan ie la fundamënta  giuridica dl tratamënt l’esecuzion de n duvier de nteres publich o lià al dejëujamënt de pudëies publics de chël che l Respunsabl dl tratamënt ie nciarià.
Rejon per dé ju i dac: L dé ju i dac persunei damandei tl formuler nunzià tlo dessëura ie de bujën per fé la iscrizion.


Comunicazion di dac: I dac abinei adum puderà unì comunichei ai nciariëi interns dla strutura acioche i posse dejëujer i lëures de tratamënt, sciche nce a uni auter soget da dedora numinà  coche respunsabl dl tratamënt. La comunicazion di dac ie ublienta y sce la ne vën nia fata ne iel nia puscibl fé la iscrizion.


Defujion: I dac persunei dac ju per la iscrizion ne unirà te uni cajo nia mandei ncantëur. La fotografies y/o i video che mostra i jëuni/la jëunes che tol pert ala scumenciadives y ativiteies urganisedes dal Cunsëi dla Provinzia autonoma de Bulsan puderà unì publichei per fins istituzionei y de nfurmazion: sciche ejëmpl sun zaites locales, revistes periodiches, brochures de nfurmazion y de ilustrazion coche nce sun la plata web istituzionela dl Cunsëi provinziel de Bulsan  (www.consiglio-bz.org) y sun la plata web per i jëuni dl Cunsëi provinziel  (www.nova-bz.org).


Maniera de traté i dac persunei y tëmp che i vën tenìi su: L tratamënt unirà fat cun njins digitei. I dac dai ju unirà tenii su per l tëmp che ie du bujën per la urganisazion y l dejëujamënt dl’ativiteies  dl Cunsëi sciche nce tl respet di tëmps de cunservazion di dac y di documënc preudui dala lege.


Trasferimënt di dac te Paejes extra UE: I dac persunei dac ju per la iscrizion ne unirà a deguna maniera mandei inant o comunichei a Paejes terzi ora dla UE.
Tratamënc automatisei: Ve nfurmon che i dac persunei dac ju ne unirà a deguna maniera sometui a pruzesc dezijiunei o automatisei.


Dërc dla persona nteresseda: N basa ala leges n forza puderà l nteressà/la nteresseda te uni mumënt eserzité si dërt y cuntaté l  Respunsabl dl tratamënt se damandan l azes a si dac. Sce l ie la cundizions de lege puderal/puderala se paré contra si tratamënt, se damandé che i vënie cancelei o che si tratamënt vënie limità. Te chësc ultim cajo puderà i dac persunei, oget de limitazion dl tratamënt, mé unì tratei a una cun l damandant/la damandanta, per l’eserzitazion giudiziela de n dërt dl Respunsabl, per la defendura di dërc de n terzo o per rejens de gran nteres publich.