Contignü prinzipal
Normes de basa dl'autonomia y dl Cunsëi provinziel
La plates che vën do cuntën da una na pert la despusizions de basa che per cuntrat, aldò dla Costituzion y dla leges ie la fundamënta dla autonomia de Sudtirol. Chëstes ie l Tratat de Paris (1946), la Costituzion dla Talia (1948), la lege di 11 de merz 1972 nr. 118, l Statut de autonomia al mumënt n droa (1972) y l prim Statut de autonomia dat pro l ann 1948 nce sce l ie unit sustituì dal segondo Statut de autonomia. Per l rest iel nce da udëi i regulamënc nterns dl Cunsëi provinziel che ie de mpurtanza per ntënder miec la strutura y la maniera de lauré dl Cunsëi provinziel.
Normes costituzioneles
La strutura atuela dl Stat talian ie da liejer do tla Costituzion che ie jita n droa ai prim de jené dl 1948 y che ti à dat n urdenamënt giuridich nuef al stat do la ntraunides ngatiedes dla segonda gran viera y l referendum sun la forma de guverné (republica o monarchia).
Contrat de Paris, Statut de autonomia, ...
La strutura atuela dl Stat talian ie da liejer do tla Costituzion che ie jita n droa ai prim de jené dl 1948 y che ti à dat n urdenamënt giuridich nuef al stat do la ntraunides ngatiedes dla segonda gran viera y l referendum sun la forma de guverné (republica o monarchia).
Normes de atuazion
L articul 107 dl Statut de autonomia vëija danora avisa che l vënie dat ora normes de atuazion al statut y l cuntën la despusizions sun si pruzedura. Aldò de chël che ie udù danora vën la normes de atuazion dates ora cun n decret dl presidënt dla Republica do avëi damandà la tëuta de pusizion de na cumiscion paritetica y do na delibra dl Cunsëi di ministri.
Regulamënc nterns dl Cunsëi provinziel y leges provinzieles
L Cunsëi provinziel à la facultà de mëter su nstës la regules sun si strutura nterna, leprò nce la strutura de si aministrazion, sun si maniera de lauré y sun chëla de si organns y sëuraprò mo sun de plu aspec che à da nfé cun l status giuridich y economich di cunselieres. Sun la plates che vën do, pudëis liejer do l test dl regulamënt nunzià dant y chël de duc i autri regulamënc dl cunsëi n droa.