| Alessandro Urzì (Alleanza Nazionale)
Nasciù a Bulsan ai 7 de mei 1966 ulache l viv mo ncueicundì. Maridà. Bele da jëunn se al dat da fé tl ciamp dl jurnalism; l fova culauradëur dla stazion-radio "Radio Nbc Network", dal 1986 al 1993 iel stat redatëur pra "Videobolzano 33" ulache l à purtà la nutizies. Pona al laurà pra "Il mattino dell'Alto Adige", l fova curespundënt per l Südtirol pra la zaita de Milan "Il giornale" y culauradëur pra la zaita "Il Borghese" che vën ora un n iede al'ena, nce culauradëur pra "l'Ansa", "l Alto Adige" y la zaita "Italia settimanale". Al didancuei scrijel per "Il Secolo d'Italia" y la revista "La Destra".
De nuvëmber dl 1998 iel per l prim iede unì lità tl Cunsëi provinziel y regiunel. Pra la veles provinzieles dl 26 de utober 2003 iel inò lità cun 8.202 stimes. Pra la veles provinzieles y regiuneles dl 26 de utober 2003 iel inò unit lità cun 8.202 stimes. L ie cumëmber dla prima cumiscion legislativa dl cunsëi regiunel y dla prima cumiscion legislativa dl cunsëi provinziel.
De auril dl 2006 iel unì numinà, da pert dl Presidënt naziunel de AN, On. Gianfranco Fini, Cumisser straurdiner dla Federazion de AN de Bulsan, do che Giorgio Holzmann ova dat si demiscions.
Ai 18 de fauré 2007 iel unì lità dal IIIo Cungres provinziel de "Alleanza nazionale" de Bulsan presidënt provinziel dl partit.
|
e-mail
Italiano
