| dut.ra Martha Stocker (SVP)
Nasciüda ai 19 de aurì a Kematen/Türesc olach'ara vir; ara à laurè sciöche insegnanta tles scores altes do avëi stlüt jö i stüdi de storia y germanistica al'université de Desproch.
Dal 1978 inant éra stada ativa te deplü organisaziuns culturales y de formaziun (sciöche la Südtiroler Hochschülerschaft, l'union di studenc univesitars de Südtirol, l'uniun dles biblioteches, l'uniun Sprachferien por l'aprendimënt di lingac intratatan les vacanzes, y tl ciamp dl teater) y ince te deplü organns dla SVP (secreteria provinziala di jogn SVP, surastanta dl comitê scora y cultura, vizesurastanta distretuala dla SVP por la Val de Puster).
Fora de chël é Marta Stocker comëmbra dl comitê d'inteja y surastanta dl movimënt dles ëres SVP; dal 1998 éra tl Consëi provinzial, olach'ara é gnüda indô litada tl 2003 cun 14.364 usc de preferënza.
Ara é vizepresidënta dla Regiun y assessuria regionala por chestiuns revardëntes les mosöres a sostëgn dla familia (pachet de familia) y la previdënza soziala, la previdënza complementara y l'ordinamënt di ënc previdenziali y sanitars y dles uniuns de asistënza publica. |
e-mail
Italiano
