Contignü prinzipal

Aministrazion de Cunsëi provinziel

Tl'aministrazion lëura ntëur n 60 cunlaurantes y cunlauranc, che se cruzia, do la cultrines, che duta l'ativiteies dl Cunsëi provinziel y de si organs vënie dejëuc sciche toca. L lëur se damanda n gran mpëni, da una pert, ajache i cunselieres svilupea n'atività scialdi viva cun i mesuns che i à da garat, sciche dessënies de lege, mozions, nterogazions,  y dal'autra pert ënghe ajache, pervia di regulamënc segurei dala costituzion n cont dl'adurvanza dla rujenedes taliana y tudëscia tla Provinzia de Bulsan-Südtirol muessa duta la ates dl Cunsëi provinziel unì scrites tla doi rujenes y nce ciancedes simultanmënter tla sentedes dl plenum, dla cumiscions legislatives  y d'autra cumiscions. Chësta situazion se damanda, sce n la cunfruntea cun d'autri parlamënc regiunei o provinziei, n lëur scialdi majer y giustifichea nce la istituzion de n ufize de traduzion aposta.

Strutura dl'aministrazion

A cë dl'aministrazion dl Cunsëi provinziel ie l secreter generel che sotstà diretamënter al Preidënt dl Cunsëi. L secreter generel mëina l secretariat dl Cunsëi provinziel y coordinëia l'ativiteies de dut l aparat aministratif. Dlongia l secretariat generel cun i servijes cunliei (servisc de stampa, servisc zeremoniel  y lëur cun l publich, servisc tecnich) vëij l model de urganisazion nce danora trëi ufizies che fossa: l ufize legal y per la cuestions de legislazion, l ufize per la cuestions aministratives, y l ufize traduzions. A chisc ufizies sta a cë n diretëur o na diretëura.


Manifestazion

Ënghe sce l'atività dl Cunsëi provinziel ie cunzentrà sun si funzions y duvieres istituzionei, restel nce l tëmp per manifestazions y scumenciadives de uni sort. Sce y ciuna manifestazion che vën iust fata uniëis al savëi sun chësta plata.


Graduatories

Per tò su per n tëmp determinà cunlauranc y cunlaurantes cun cualificazions prufesciuneles defrëntes vëniel fat graduatories sun la basa de criteres aldò. Sun chësta plata abinëis i criteres, l model per la dumanda y na lingia d'autri formulares.


Cuncorsc

Tl organich dl personal dl Cunsëi provinziel de Südtirol vëniel de regula curì la stieres liedies tres cuncorsc publics. Sun chësta plata giatëis i cuncorsc che ie iust atuei cun la nfurmazions aldò.


Mobilité inanter i ënc

Tl organich dl personal dl Cunsëi provinziel de Südtirol iel aldò dl cuntrat culetif ntercumpartimentel nce puscibl curì stieres liedies tres l strumënt giuridich dla mubiltà dl personal danter ënc publics.La cunedida relativa vën publicheda sun chësta plata.