|
Salut dl presidënt dl Cunsëi provinziel
Stimeda vijitadëura, stimà vijitadëur dla plates dl Cunsëi dla Provinzia Autonoma de Bulsan!
Ve dé l bënunì sun la homepage de nosc parlamënt provinziel y Ve nvieie a Ve nuzé dla nfurmazions che vën pitedes da nosta pert. Tlo unieis al savëi avisa coche l Cunsëi provinziel ie metù adum, coche funzionea y ie metui adum si organns, y sëis for ajurnei. Oradechël Ve pieta nosta plates nfurmazions sun la frazions defrëntes che ie reprejentedes tl Cunsëi provinziel, si cumposizion, i curriculum vitae di deputac sciche nce sun la cumiscions legislatives y si cumpetënzes. L ie nce mesun ti cialé ala relazions de duta la sentedes dl Cunsëi provinziel. Na mascin aposta per crì fej a na maniera che l ie plu saurì a crì su argumënc spezifics, tratei tla sentedes.
Dai 16 de fauré 2004 iel nce a Vosta disposizion na banca dac cun duta la ates politiches (dessënies de lege, ordens dl di, mozions ...). Pudëis udëi cie che devënta de na ata (presentazion, tratamënt, apurvazion o nia apurvazion, resposta) y tò vijion ti tesc curespundënc (tl format PDF). La banca dac ie da garat tla rujenedes tudëscia y taliana.
Tres n click sun "Documënc" iel sëuraprò puscibl cunsulté regulamënc defrënc schiche nce autri documënc de nteres particuler (bënsteies, sentënzes).
Tres e-mail pudëis nce Ve mëter n cuntat diretamënter cun mé. Cun l link "Dumandes al Presidënt dl Cunsëi provinziel" ruvëis pra la plata sun chëla che pudëis mëter ju Vosta dumandes. Me purveré de Ve respuender l plu prësc che la va.
Tl indesc di ufizies dl'aministrazion dl Cunsëi provinziel iel laite duc i inuemes di dependënc dl Cunsëi provinziel y si numer de telefonn. Leprò iel nce l'adres e-mail de duc chëi che n à una. Diverda che adurvëis vel' nfurmazion tlechel cherdé su, mandé n fax o na e-mail.
Sce fussais nteressei a vester leprò n iede pra la sentedes dl Cunsëi dla Provinzia Autonoma de Bulsan, Ve nvië de cuer a unì sun la tribunes resservedes al publich. Tres l link pudëis Ve nfurmé sun i dis y l orden dl di tratà n chël iede. Sambënzënza ie la sentedes nce daviertes a de majera grupes - ma te n tel cajo muessen se nunzië per tëmp y ëura pra l servisc de cumpetënza.
Scrijan ora l formuler aposta pudëis apusté la publicazions dl Cunsëi dla Provinzia Autonoma de Bulsan (l cudejel "L Cunsëi dla Provinzia Autonoma de Bulsan", la zaita che vën ora n iede al mëns "Das Land Südtirol/Provincia Autonoma" cun la njonta de cater plates metudes ju dal Cunsëi provinziel).
Da n struf incà pudons pité plu nfurmazion sun l'atività dl Cunsëi dla Provinzia Autonoma de Bulsan: cën vëniel nce publicà i comunicac stampa dl Cunsëi provinziel y de si frazions te internet (n ruva ite tres nosta homepage sota "Nuviteies"). Sce sëis nteressei pudëis nce Ve abuné per giapé i comunicac stampa: l tleca dé sëura l'adres e-mail y canche l vën ora comunicac stampa nueves giapëis na comunicazion cun n link, che Ve porta diretamënter sun chëla plata!
Ala fin ulëssi mo Ve mëter a cuer de repurté te nosc "liber di ghesc" virtuel, Vosta mprescions, minonghes, prupostes, cunsëies y critiches. Tuleron gën n cunscidrazion, sce l ie mesun, chël che Ve mbincëis. A chësta maniera pudëis nce nes judé a lauré ora y miuré nosta plates, per nfurmé i zitadins mo deplù y plu avisa sun nosc parlamënt provinziel.
Ve nvieie perchël mo n iede a ti dé na udleda ala plates che vën do per se fé n cheder di truep duvieres defrënc dl Cunsëi dla Provinzia Autonoma de Bulsan. Bon lëur y bon devertimënt pra l crì!
Dr. Riccardo Dello Sbarba
Presidënt dl Cunsëi dla Provinzia Autonoma de Bulsan
|
e-mail
Italiano
