Ufize de presidënza

Dl ufize de presidënza fej pert l Presidënt/la Presidënta, doi Vizepresidënc/Vizepresidëntes y trëi Secreteres cuestores. Tl ufize de presidënza muessa nce vester reprejenteda la mendranza politica. L ufize de presidënza, de chël che l Presidënt/la Presidënta dl Cunsëi ie a cë, muessa se cruzië dantaldut de duvieres che à da nfé cun l'aministrazion dl Cunsëi provinziel, danter chisc l'apurvazion dl proiet dl bilanz de previjion y dl cont cunsuntif dl Cunsëi provinziel, la formulazion de prupostes revardëntes la mudazion o la ntegrazion dl regulamënt dl personal dl Cunsëi y dl plann organich dl personal curespundënt, che unirà po sometudes al'apurvazion dl Cunsëi, oradechël se cruziel nce dla formulazion de prupostes revardëntes l regulamënt dla ndeniteies, dla cumpensazions per la sentedes y di pruvedimënc a bën dla frazions. L segurea nce che l regulamënt dl Cunsëi vënie respetà y nterpretà sciche toca, ora che canche l se trata de dezijions che ti spieta al Presidënt/ala Presidënta dl Cunsëi provinziel. I cumëmbri dla Jonta provinziela ne daussa nia fé pert dl Ufize de Presidënza.

(da man ciancia a man drëta: Hochgruber Kuenzer, Stirner Brantsch, Steger, Pardeller, Minniti)

Composiziun

Presidënt

• Steger Dieter - SVP

Vizepresidënta

• Minniti Mauro - Il popolo della Libertá (1)

Cumëmbri dla presidënza

• Hochgruber Kuenzer Maria Magdalena - SVP (2)
• Pardeller Georg - SVP
• Stirner Veronika - SVP (2)

 

Lijënda

(1) dal 18.12.2008 inant impede l'aconsiadëssa Barbara Repetto che é gnüda litada dala Junta provinziala
(2) dal 4.3.2009 inant mpede la cunseliera Martha Stocker, che ie unida liteda tla Jonta regiunela, y la cunseliera Rosa Thaler Zelger, numineda capofrazion tl Cunsëi regiunel