Presidënt/Presidënta

L Presidënt/La Presidënta reprejentea  l Cunsëi provinziel oradecà y l defënd si denità y si dërc, l chërd ite y seuranstà a si sentedes. L/la mantën l orden y cëla che l regulamënt nternn vënie respetà; l/la dà la facultà de parola y l/la ti somët al Cunsëi la cuestions sun chëles che chësc à da delibré; l/la cunedësc l resultat dla litazions y adum cun l'aministrazion dl Cunsëi provinziel se cruziel/cruziela n generel dl'esecuzion regulera di lëures.

Ora che l litea l Cunsëi provinziel nce doi Vizepresidënc/Vizepresidëntes che fej pert dla doi grupes de rujeneda de chëles che l Presidënt/la Presidënta ne ie nia pert. I Vizepresidënc/la Vizepresidëntes sustën l Presidënt/la Presidënta dantaldut per cie che reverda la direzion di lëures dl plenum. L Presidënt/la Presidënta desiniea l Vizepresidënt/la Vizepresidënta che l/la reprejentea d'uni viers n cajo de assënza o mpedimënt.

Per la prima mesa pert dla legislatura vën l Presidënt/la Presidënta dl Cunsëi provinziel lità/liteda danter i/la cunselieres dla grupa de rujeneda tudëscia, per la segonda mesa pert danter i/la cunselieres dla grupa de rujeneda taliana. A una cun la maiuranza di/dla cunselieres dla grupa de rujeneda tudëscia o taliana possel nce unì lità, respetivamënter per tramedoi pertes dla legislatura, n cunselier/na cunseliera dla grupa de rujeneda ladina. 

(test: Resumé dla normes dl regulamënt dl Cunsëi provinziel de Südtirol y dl Statut d'autonomia). 

Tla sentada di 18 de novëmber 2008 él gnü lité sciöche presidënt dl Consëi provinzial por la 1° pert dla legislatöra l'aconsiadù Dieter Steger (SVP). L'aconsiadëssa Barbara Repetto (Partito Democratico - Demokratische Partei), litada sciöche vizepresidënta tla medema sentada, é gnüda litada sciöche comëmbra dla Junta provinziala tla sentada di 18 de dezëmber 2008. Por chësta rajun àra dè sö l'inćiaria de vizepresidënta dl Consëi provinzial.
Tla medema sentada él gnü lité impede ëra, sciöche vizepresidënt dl Consëi provinzial nü por la 1° pert dla legislatöra, l'aconsiadù Mauro Minniti (Il Popolo della Libertà) che fej pert dl grup linguistich talian.
Ai 25 de jenà 2011 é le presidënt Dieter Steger tomè fora dl Consëi Provinzial, do che al ê gnü detlarè nia litabl cun sentënza dl tribunal provinzial de Balsan n. 1213/10 di 19.11.2010 y do che le mandat dl Consëi provinzial ê gnü detlarè tomè. Tla sentada dl 2. de merz 2011 él gnü lité la aconsiadëssa Julia Unterberger (SVP) sciöche presidënta dl Consëi Provinzial nöia por le tëmp che romagn dla pröma pert de chësta legislatöra. Süa inćiaria va ćina ai 17 de mà 2011.

Tla senteda dl 18 de mà 2011 él gnü lité por la 2. pert dla perioda de legislatöra l'aconsiadù Mauro Minniti (Il Popolo della Libertà) unit sciöche presidënt dl Consëi provinzial y l'aconsiadëssa Julia Unterberger (SVP) sciöche vizepresidënta dl Consëi provinzial.