Contignü prinzipal

Comisciuns d'inrescida

Sön domanda motivada de almanco n chert di comëmbri dl Consëi provinzial, chësc ó dì almanco 9 aconsiadësses/aconsiadus, nominëia la presidënta o le presidënt dl Consëi na comisciun d'inrescida; te chësta é vigni fraziun dl Consëi rapresentada da n comëmber che ara à nominé. Pro litaziuns eventuales tla comisciun à vigni comëmber tan de usc sciöche le numer di comëmbri dla fraziun de chëra che al fej pert. La comisciun se procurëia notizies, informaziuns y documënć por ći che reverda l'argomënt dl'inrescida y ti presentëia spo do avëi stlüt jö i laûrs al Consëi provinzial na relaziun sön i resultać y les contlujiuns. Ara po inće presentè propostes.


Te chësta legislatöra él gnü istituì inćina śëgn öna na comisciun d'inrescida.

Cun decret n. 96/14 di 2 de otober 2014 dl presidënt dl Consëi provinzial, Thomas Widmann, él gnü istituì na comisciun d'inrescida sön domanda de 12 aconsiadësses/aconsiadus.
Por ći che reverda la gestiun dl “Fonds sozial europeich - FSE” dal 2000 inant, à la comisciun les funziuns suandëntes:

  • recöie informaziuns, inće tres aldiziuns de porsones, sön le funzionamënt y l’efiziënza dles prozedöres aministratives y di sistems de control ti ofizi competënć sciöche inće ejaminé la conformité dles modalitês de assegnaziun di mesi dl fonds sozial europeich aldô di protocoi dla UE.
  • Ejaminé les prozedöres de redaziun di arać y l’aprovaziun de proieć. Che à pa tut les dezijiuns? Aladô de ći criters éres pa gnüdes tutes? Ći él pa gnü fat por evité conflić de interesc?
  • Inrescì fora les conseguënzes poscibles dles contestaziuns da pert dla Comisciun europeica. Tanć é pa i proieć che mëss ćiamò gnì controlà? De ći somes se tràtera pa? A tan amùntel pa döt adöm le dann gaujé?
  • Stlarì les responsabilitês di funzionars dl ofize FSE, dla comisciun FSE, dl organn provinzial de valutaziun y dla repartiziun provinziala Europa sciöche inće ciafè fora les responsabilitês politiches eventuales.

Composiziun

Presidënta

Vizepresidënt

Secretêr

Cumëmbri

 

Abschlussbericht

Minderheitenberichte