Stocker, Martha (SVP)

Nasciuda ai 19 d'auril dl 1954 a Kematen/Tures, ulache la ie residënta. La à studià storia y tudësch al'Università de Dispruch y ie nsenianta de scola auta.
Dal 1978 iela ativa per urganisazions cultureles y educatives defrëntes (la "Südtiroler HoschülerInnenschaft" - la lia di studënc y dla studëntes universiteres de Südtirol, l'assoziazion dla biblioteches, l'assoziazion per la feries de rujeneda, l teater, l'università populera de Puster). La fej pert dl Cumité de cunsëns, ie presidënta dl muvimënt dl'ëiles tla SVP, vizepresidënta dla FUEV - la uninion federela europeica dla grupes etniches. Dal 1998 iela tl Cunsëi provinziel, tla legislatura passeda iela stata assessëura regiunela per la previdënza soziela y l pachet familia, per l urdiunamënt dla istituzions publiches de assistënza y benefizënza y la previdënza cumplementera. Dl 2008 iela inò unida liteda tl Cunsëi, la à giatà 16.671 stimes.