Stirner, Veronika (SVP)

Nasciuda ai 23 de mei dl 1959 y residënta a Maran, oma de doi mutons. Do la maduranza tl lizeum scientifich a Maran ala studià rujenedes modernes. Dal 1982 al 2000 ala nsenià nglëisc te scoles autes defrëntes a Maran. Dal 2000 al 2003 iela assessëura cumenela de Maran per l soziel, la scola tudëscia y cuestions feminiles. Dl 1998 ala metù su y fova giut si presidënta, la lia per mutons cun tumor "Peter Pan". Dl 2003 iela unida liteda per l prim iede tl Cunsëi provinziel, da dezëmber dl 2003 nchin de mei dl 2006 iela stata presidënta dl Cunsëi provinziel. Da merz dl 2009 inant fejela pert dl presidium dl Cunsëi provinziel, iela presidënta dla 4a cumiscion legislativa y fejela pert dla prima cumiscion legislativa, dla cumiscion de cunfërma dla veles provinzieles y dla cumiscion per l regulamënt dl Cunsëi. La ie la coordinadëssa de "Special Olimpics Südtirol" y dl ciamp sport per persones cun handicap dl "Sportclub Meran", cumëmbra dl Cunsëi d'aministrazion dla "Sporthilfe Südtirol", vize-presidënta dla lia "EPINET-NETZWERK EPILEPSIE SÜDTIROL". La fej pert dl diretif de partit dla SVP, dl diretif dl partit dl raion de Maran, dl diretif dl raion dl'ëiles dla SVP, dl diretif dla zità de Maran.