Contignü prinzipal

Renzler, Helmuth (SVP)

Renzler Helmuth

Nasciü ai 21 de merz dl 1953 a Balsan y residënt a St. Jakob/Leifers. Do la scora mesana àl frecuentè l’istitut tecnich industrial, direziun eletrotecnica. Do la maturité dl 1973 àl studié por n valgügn semestri economia y iurisprudënza a Desproch y Padua. Al à fat cursc desvalis d’ajornamënt y de formaziun sön la gestiun aziendala y dl personal y de formaziun interna por deventè istrutur dles porsones che colaborëia tl NISF/INPS. Dal 1973 al 1979 àl insigné materies tecniches desvalies te de plü scores mesanes y altes dl Südtirol, cun na picia interuziun da merz a setëmber dl 1974 olache al à laurè te n ofize da injinier a Milan. Dai 18 de jenà dl 1982 él dependënt dl NISF/INPS da Balsan; de messè dl 1995 él deventè colaboradù aministratif, de jenà dl 1997 funzionar aministratif y de setëmber dl 1999 diretur aministratif. Dal 1. d’aurì dl 2001 ćina ai 12 de novëmber dl 2010 él stè responsabl dla repartiziun por la ponsiun y l’assiguraziun dl NISF/INPS Balsan. Dai 13 de novëmber dl 2010 él diretur dl’agenzia interna dl NISF/INPS da Balsan. Dal 1994 laôrel inće sciöche profescionist lëde por folieć desvalis cun contribuć che reverda la legislaziun pensionistica y soziala. Al é autur de presciapüch 19 libri y brosciüres sciöche inće de plü de 1.000 articui che trata dla legislaziun soziala y dl dërt de laûr. Dal 2004 ćina forà dl 2009 él stè comëmber dl consëi aministratif dl istitut por le frabiché sozial. Dlungia so laûr a tëmp plëgn pro le NISF/INPS y süa ativité da publizist fêjel inće ativitês desvalies tl ćiamp dl volontariat; al é presidënt provinzial dl sindacat di dependënć publics y parastatai tl ASGB olache al é responsabl dl setur dla legisalziun pensionistica y soziala. Dal 1989 él comëmber dl consëi aministratif dl NISF/INPS por i dependënć de rode local y comëmber dla comisciun disciplinara aladô dl articul 29/752. Al é stè consulënt dla Regiun Trentin-Südtirol tl setur dla legislaziun soziala sciöche inće colaboradù te tröc organns y te tröpes comisciuns a livel provinzial y comunal. Cariera politica: al é stè comëmber dl Comitê sozial dla SVP tl comun da Balsan dal 1989 al 2004 y so presidënt dal 1989 al 1998; comëmber dl Comitê sozial dla seziun Balsan y raiuns incëria dla SVP dal 1991 al 2008, y cun na picia interuziun de 7 mëisc, so presidënt dal 1991 al 2004. Dal 2004 incà él comëmber scëmpl dl Comitê sozial de seziun. Dal 1991 al 2004 él stè comëmber dl Comitê sozial provinzial dla SVP y so vizepresidënt dal 1991 al 1995, dal 1991 al 2004 y dal aurì 2010 ćina incö comëmber dl diretif dla seziun SVP da Balsan y raiuns incëria. Dal aurì dl 2010 fêjel pert dl comitê di delegà dl SVP y dal 1998 ćina incö él comëmber dl Consëi local Bozen/Haslach dla SVP. Al à fat pert di fondadus dl’Assoziaziun d’amisc danter la SPD (Partì sozialdemocratich todësch) y la SVP. Ai 27 d’otober dl 2013 él gnü lité tl consëi provinzial por la SVP.

Contać:
Adres:

Cuns. Helmuth Renzler
Cunsëi provinziel
Plaza Silvius Magnago 6
39100 Bulsan

Tel. 0471 946 275
Fax 0471 946 328
EMail: helmuth.renzler@landtag-bz.org
VCard: VCard
Internet: www.svp.eu
Frazion: Südtiroler Volkspartei

Inćiaries - XV legislatöra

Provinzia autonoma de Balsan

  • Dai 22.11.2013 aconsiadëssa provinziala/aconsiadù provinzial
  • Dai 17.1.2014 comëmber/comëmbra - III. comisciun legislativa
  • Dai 17.1.2014 comëmber/comëmbra - IV. comisciun legislativa
  • Dai 28.3.2014 comëmber/comëmbra dla presidënza

Regiun Trentino-Südtirol

  • Dai 22.11.2013 aconsiadëssa/aconsiadù dl Consëi regional
  • Dai 27.2.2014 al 18.3.2014 comëmber/comëmbra - II. comisciun legislativa
  • Dai 19.3.2014 presidënt - II. comisciun legislativa