Dello Sbarba, Riccardo (Grüne Fraktion - Gruppo verde - Grupa vërda)

Nasciù a Volterra (PI) n l ann 1954, residënt a Bulsan dal 1988. Maduranza tlassica, stude de filosofia pra l'Università de Pisa, nseniant de rodul, jurnalist de prufescion. L à na muta y doi mutons.
Cun la grupa de "Il Manifesto" tòlel pert al muvimënt di studënc (69-77) y pona al lëur politich tla gran fabrics tla Toscana ozidentela.
L lëura a Roma pra la zaita "Pace e Guerra", meneda da Stefano Rodotà y Luciana Castellina ('82 - '83). Dl 1983 iel candidat sun la lista dl Pci per l parlamënt talian tla zircoscrizion de Pisa, Livorno, Lucca y Massa Carrara. Dala Region Toscana iel numinà aministradëur dl Parch naturel de S. Rossore, Migliarino e Massaciuccoli (86-88), cun la cumpetënza per la scunanza dl'eghes mëtel a jì n sistem de usservazion ambientela basà sun ndicatëures biologics.
Dal 1988 al 1992 lëurel per la zaita "Alto Adige". Dal 1993 al 2001 per la revista ff, ulache l fej la prima sperienza de publicazions reguleres tla rujeneda taliana te na zaita tudëscia. Dal 2001 al 2003 iel diretëur editoriel dla zaita "Il Mattino". Nce al didancuei scrijel mo per "L'Adige" de Trënt. L ie cumëmber dla Fundazion "Alexander Langer", l à dat ora l liber "Alexander Langer, Scritti sul Sudtirolo - Aufsätze zu Südtirol."
Dal 2004 iel tl Cunsëi provinziel, de chël che l ie stat presidënt da mei dl 2006 a nuvëmber dl 2008. Pra la veles provinzieles de utober dl 2008 iel unì cunfermà cun 5.077 stimes de preferënza.