Contignü prinzipal

Deeg, Waltraud (SVP)

Deeg Waltraud

Nasciüda ai 24 de messè dl 1972 a Balsan, fia de Siegfried Deeg y Waltraud Gebert-Deeg, maridada dal 1999 cun Wilfried Taschler, ara à na möta. Dal 1978 al 1983 àra frecuentè la scora elementara Goethe a Balsan, dal 1983 al 1986 àra fat la scora mesana Josef-von-Aufschnaiter a Balsan y dal 1986 al 1991 le lizeo tlassich Walther-von- der-Vogelweide a Balsan arjunjon pro l’ejam de maturité le mascimo di punć. Dedô àra metü man da studié medejina a Desproch. Dal 1992 al 1998 àra studié iurisprudënza a Desproch y a Graz. Dl 1998 àra laurè te scora, dal 1999 al 2001 àra fat le practicum da avocata te n stüde legal a Bornech y à frecuentè le curs da conservadëssa dl liber fondiar a Balsan. Dl 2002/2003 àra arjunt l’abilitaziun d’insegnamënt de dërt, economia politica y sciënza dles finanzes tles scores altes, dl 2004 àra fat l’ann de formaziun da maestra tl Istitut tecnich economich da Bornech, dal 2005 inant àra ciafè l’inćiaria d’insegnamënt a tëmp ilimité. Dl 2006 àra passè l’ejam d’avocata  y dui agn dedô àra daurì n stüde legal a Bornech. Dl 2008/09 àra frecunatè n master de dërt de familia a Verona y dl 2009/2010 àra fat la formaziun da mediadëssa. Dl 2010 éra gnüda litada tl Consëi comunal da Bornech y dal 2010 al 2012 éra stada assessuria tla junta comunala da Bornech ti raiuns: seniors, ambiënt, frabiché alisiré y avalianza dles oportunitês. Ativitês de volontariat: ara é stada comëmber dl ordinn d’ospedal de Malta dla seziun da Desproch y Graz, ara à portè pro a mëte sö la Volkshochschule de Puster olache ara alda pro le diretif, comëmbra tl comitê raional dl KVW de Puster, ara fej ativité de volontariat sciöche avocata pro l’assoziaziun “Frauen helfen Frauen” y pro la Consulënza ales families. Ara é presidënta dl consëi sozial comunal da Bornech, vizepresidënta dl consëi sozial raional da Bornech, comëmbra dl comitê dles ëres dla SVP da Bornech y vizepresidënta dl comitê local SVP da San Sciomun.

Contać:
Adres:

Assessuria provinziala 
Dr. Waltraud Deeg
Landhaus 3a, Silvius-Magnago-Platz 4
39100 Bozen

Tel. 0471 413 400
Fax 0471 413 409
EMail: waltraud.deeg@landtag-bz.org
waltraud.deeg@provinz.bz.it
VCard: VCard
Internet: www.provinz.bz.it/deeg
Facebook
Twitter
Frazion: Südtiroler Volkspartei

Inćiaries - XV legislatöra

Provinzia autonoma de Balsan

  • Dai 22.11.2013 aconsiadëssa provinziala/aconsiadù provinzial
  • Dai 16.1.2014 assessuria provinziala

Regiun Trentino-Südtirol

  • Dai 22.11.2013 aconsiadëssa/aconsiadù dl Consëi regional