Nasciù a Bulsan ai 4 de lugio dl 1967, residënt a Bulsan. Laurea tla materies letereres pra l'Università de Verona. Maridà. Jurnalist de prufescion. Dal 1994 al 2000 redatëur dla zaita dla diozesa de Bulsan-Persenon "Il Segno". Dal 2000 al 2003 redatëur de politica provinziela y vizecaposervisc pra la zaita "Il Mattino di Bolzano". Dal 2003 al 2007 redatëur pra la zaita "L'Adige". Ie cunlëure cun revistes mensiles sun la tematiches dla pesc y di dërc dla persona. Fundatëur dl Zënter per la Pesc dl Chemun de Bulsan, ulache son coordinatëur dl'atività culturela. Cumëmber dla cësa editëura il Margine de Trënt. Publicazions:
Non giuro a Hitler. La testimonianza di Josef Mayr-Nusser, San Paolo, 2000; Due mondi, una vita. Luis Lintner (cun M.Lintner y C.Fink), EMI, 2000; Il sapore della libertà (dialogh cun Marcelo Barros), la Meridiana, 2005; Qui la meta è partire (dialogh cun Arturo Paoli), la Meridiana 2005; Il monaco che amava il jazz. Testimoni e maestri, migranti e poeti, il Margine 2006; Sulle strade dell'Acqua. Dramma in die atti e in quattro continenti, il Margine 2008.
Dal apel che é scrit y dat ora d'instà dl 2003 ie nasciù l proiet politich Pace e Diritti. Insieme a Sinistra.
Dal 10 de lugio 2008 cumëmber dl Cunsëi provinziel mpede la cunseliera Marialuisa Gnecchi che à dat ju si ncëria. Dal medemo di àl nce la ncëria de assessëur per lëur, inuvazion, valivanza dla chances, cooperatives y furmazion prufescionela taliana.