Contignü prinzipal

Delibres dl Cunsëi

L pont plu mpurtant dl’atività dl Cunsëi proviziel de Sudtirol ie per natura l pudëi legislatif, chël uel dì si pudëi de dé ora leges provinzieles.
Na mozion porta al cuntrer pro che l vënie a se l dé na descuscion y fat an delibra sun na cërta cuestion. De regula se damanden nsci che la Jonta provinziela se muev te na cërta direzion. Mozions ie nsci l strumënt tlassich dl Cunsëi provinziel per tò pert al pudëi esecutif.
Tres la nterogazions scrites y la nterogazions a usc sun argumënc d’atualità possa uni cunselier provinziel y uni cunseliera provinziela cuntrolé l’atività dla Jonta provinziela.
La carateristiches de chisc documënc parlamenteres tipics, ulache pudëis liejer do si cuntenuc y coche i vën a se l dé sota l link documënc politics (dessënies de lege, mozions, nterogazions …) tl ciamp Banches dac & abinedes, ie che i va zeruch a na scumenciadiva de n cunselier provinziel o de na cunseliera provinziela o dla Jonta provinziela.
Daujin ons mo na lingia de delibres dl Cunsëi provinziel che ne fej nia pert dla categoria di documënc politics numinei dessëura, ma che ie mpo de nteres per duc. L se trata de delibres de chëles che l Cunsëi provinziel muessa se cruzië d’ufize aldò de despusizions dl Statut d’Autonomia, dl regulamënt dl Cunsëi o de regulamënc nterns dl Cunsëi provinziel. Chësta delibres possen abiné sun la plates che vën do cun na puscibltà de crì su aldò dla legislatura (a pië via dala XII legislatura) y per ani dedite te uni legislatura.